ระตะนัตตะยัปปะภาวาภิยาจะนะคาถา

        อะระหัง  สัมมาสัมพุทโธ               อุตตะมัง  ธัมมะมัชฌะคา

        มะหาสังฆัง  ปะโพเธสิ                   อิจเจตัง ระตะนัตตะยัง

        พุทโธ ธัมโม  สังโฆ จาติ                 นานาโหนตัมปิ  วัตถุโต

        อัญญะมัญญาวิโยคา วะ                  เอกีภูตัมปะนัตถะโต

        พุทโธ  ธัมมัสสะ  โพเธตา               ธัมโม  สังเฆนะ  ธาริโต

        สังโฆ จะ  สาวะโก พุทธัสสะ          อิจเจกาพัทธะเมวิทัง

        วิสุทธัง  อุตตะมัง  เสฏฐัง               โลกัสมิง ระตะนัตตะยัง

        สังวัตตะติ  ปะสันนานัง                 อัตตะโน  สุทธิกามินัง

        สัมมา  ปะฏิปัชชันตานัง                ปะระมายะ  วิสุทธิยา ฯ

        วิสุทธิ  สัพพักเลเสหิ                       โหติ  ทุกเขหิ  นิพพุติ

        นิพพานัง  ปะระมัง  สุญญัง           นิพพานัง  ปะระมัง  สุขัง

        เอเตนะ  สัจจะวัชเชนะ                   สุวัตถิ  โหตุ  สัพพะทา ฯ

        ระตะนัตตะยานุภาเวนะ                 ระตะนัตตะยะเตชะสา

        อุปัททะวันตะรายา จะ                    อุปะสัคคา จะ สัพพะโส

        มา  ภะทาจิ  สัมผุสิงสุ                     รัฏฐัง  สยามานะเมวิทัง

        อาโรคิยะสุขัญเจวะ                          ตะโต  ทีฆายุตาปิ  จะ

        ตัพพัตถูนัญจะ  สัมปัตโย                สุขัง  สัพพัตถะ  โสตถิ จะ

        ภะวันตุ สัมปะวัตตันตุ                     สยามานัง  รัฏฐะปาลินัง

        เต จะ รัฏฐัญจะ  รักขันตุ                  สยามะรัฏฐิกะเทวะตา

        สยามานัง  รัฏฐะปาลีหิ                    ธัมมามิเสหิ  ปูชิตา

        สิทธะมัตถุ  สิทธะมัตถุ                    สิทธะมัตถุ  อิทัง  ผะลัง

        เอตัสมิง  ระตะนัตตะยัสมิง              สัมปะสาทะนะเจตะโส ฯ 

                   ระตะนัตตะยัปปะภาวะสิทธิคาถา

        อะระหัง สัมมาสัมพุทโธ                  โลกานัง  อะนุกัมปะโก

        เวเนยยานัง  ปะโพเธตา                  สันติมัคคานุสาสะโก ฯ

        สวากขาโต  อุตตะโม  ธัมโม            โลกานัง  ตะมะทาละโก

        นิยยานิโก  จะ ทุกขัสมา                  ธัมมะจารีนุปาละโก ฯ

        สุปะฏิปันโน  มะหาสังโฆ               โลกานัง  ปุญญะมากะโร

        สีละทิฏฐีหิ สังสุทโธ                       สันติมัคคะนิโยชะโก ฯ

        อิจเจตัง  ระตะนัง  เสฏฐัง               โลเก  สะระณะมุตตะมัง

        ปะนิกขะกานะ  ธีรานัง                   ญาณะสัญจาระณักขะมัง ฯ

        ยัสสะ  โลกัง  ปะภาเสติ                   อาตะโปวะ  ตะโมนุโท

        ทัยยะเทโส  อิมคัมมะ                      เขมะมัคคัปปะโชตะนัง

        สันติสุเข  ปะติฏฐาติ                       อิสสะโร  สาตะตัง  ฐิโต ฯ

        อัคคะเมตัง  ติระตะนัง                     คะรุง  กุตวานะ  รักขิตัง

        ธะชัง  กัตวา ปะเทสัสสะ                 ทัยยะเทสนะ  อุทธะตัง ฯ

        นีติปัญญัตติการายะ                        สะทิฏฐิยา  ปะกุพพะเน

        ธัมมะนุญญัง  วะ รัฏฐัสสะ              รัฏฐานัง  สิทธิทายะกัง ฯ

        เอวัง สาสะนะกิจเจสุ                        สังฆัง  กัตวานะธิสสะรัง

        ปะสิชณะนันติทัง พุทธะ-                สาสะนัสสะ  ปะสาสะนัง

        เอวัง  ปะสาสะนุปาเยนะ                  ถิรัง  ติฏฐะติ  สาสะนัง ฯ

        ระตะนัตตะยานุภาเวนะ                  ระตะนัตตะยะเตชะสา

        ทัยยะชาติ  วิโรเจตุ                          สัพพะสัมปัตติสิทธิยา

        อิทธิง  ปัปโปตุ  เวปุลสัง                  วิรุฬหิง  จุตตะริง สะทา ณ

        จิรัง  ติฏฐะตุ  โลกัสมิง                     สัมมาสัมพุทธะสาสะนัง

        ทัสเสนตัง  ภัพพะสัตตานัง                อัญชะสัง  วะ วิสุทธิยา ฯ

        จิรัญชีวะตุ  ทีฆายุ                              ทัยยานัง  ธัมมะขัตติโย

        วัณณะวา  พะละสัมปันโน                  นิรามะโย  จะ นิพภะโย ฯ

        รัฏฐัสสะ  ธัมมะนุญญัญจะ                 จิรัง  ติฏฐะตุ  โสตถินา ฯ

        ระตะนัตตะยัปปะภาเวนะ                  วุฑฒิยาสา  สะมิชฌะตุ

        ทัยยานัง  รัฏฐะปาลีนัง                      สัพพะสิทธิ  สะทา ถิรัง ฯ

        ชะยะมัตถุ  จะ ทัยยานัง                     วุฑฒิ  สันติ  นิรันตะรัง

        ปะวัฑฒะตัง จะ  ภิยโยโส                   ธะนุฏฐาเนนะ  สัมปะทาติ ฯ